ԱՐԺԵՔԱՅԻՆ, ՔԱՇԱՅԻՆ ԵՎ (ԿԱՄ) ՔԱՆԱԿԱԿԱՆ ՆՈՐՄԵՐ, ՈՐՈՆՑ ՍԱՀՄԱՆՆԵՐՈՒՄ ԱՆՁՆԱԿԱՆ ՕԳՏԱԳՈՐԾՄԱՆ ԱՊՐԱՆՔՆԵՐԸ ՆԵՐՄՈՒԾՎՈՒՄ ԵՆ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՄԱՔՍԱՅԻՆ ՏԱՐԱԾՔ ԱՌԱՆՑ ՄԱՔՍԱՏՈՒՐՔԵՐԻ, ՀԱՐԿԵՐԻ ՎՃԱՐ

1. Անձնական օգտագործման ապրանքները (բացառությամբ էթիլ սպիրտի, ալկոհոլային խմիչքների, գարեջրի, անձնական օգտագործման չմասնատվող ապրանքների), որոնք ներմուծվում են ուղեկցվող և (կամ) չուղեկցվող ուղեբեռում օդային տրանսպորտով, որոնց արժեքը չի գերազանցում 10 000 եվրոյին համարժեք գումարը, և (կամ) քաշը չի գերազանցում 50 կգ-ը, իսկ ծխախոտը և ծխախոտային արտադրանքը՝ 200 սիգարետ կամ 50 սիգար (սիգարիլլա) կամ 250 գրամ ծխախոտ, կամ նշված արտադրատեսակների տեսականին, ոչ ավելի քան 250 գրամ ընդհանուր քաշով` 18 տարին լրացած մեկ ֆիզիկական անձի հաշվարկով՝ ներմուծվում են Եվրասիական Տնտեսական Միության մաքսային տարածք առանց մաքսատուրքերի, հարկերի վճարման: 

2. Միության մաքսային տարածք միջազգային փոստային առաքանիներով ուղարկվող անձնական օգտագործման ապրանքները (բացառությամբ անձնական օգտագործման չմասնատվող ապրանքների), որոնց արժեքը չի գերազանցում 200 եվրոյին համարժեք գումարը, և (կամ) միջազգային փոստային առաքանու համաքաշը չի գերազանցում 31 կգ-ը, ներմուծվում են Եվրասիական Տնտեսական Միության մաքսային տարածք առանց մաքսատուրքերի, հարկերի վճարման։