Մաքսային ռազմավարական փաթեթ նոր բիզնեսների համար

Առաջին ներմուծումը կազմակերպելիս նոր բիզնեսը պետք է նախապես հասկանա՝ ինչ տվյալներ պահանջել մատակարարից, ինչ մաքսային վճարներ են սպասվում, ինչ փաստաթղթեր ու թույլտվություններ են անհրաժեշտ և ինչ պահանջներ պետք է կատարել մինչև բեռի առաքումը։

Եթե այս հարցերը պարզվում են միայն բեռի ժամանումից հետո, կարող են առաջանալ լրացուցիչ ծախսեր, փաստաթղթերի ճշգրտման անհրաժեշտություն և մաքսային ձևակերպման ուշացումներ։

REGULUS GROUP-ի մաքսային ռազմավարական փաթեթ նոր բիզնեսների համար ծառայությունը նախատեսված է այն նոր բիզնեսների համար, որոնք ցանկանում են առաջին ներմուծումը սկսել նախապես հաշվարկված և հասկանալի քայլերով։

Ի՞նչ է ներառում փաթեթը

•    Ապրանքի և նախատեսվող գործարքի ուսումնասիրություն։ Ուսումնասիրում ենք ապրանքի նկարագրությունը, բաղադրությունը, նշանակությունը, տեխնիկական տվյալները, ծագման երկիրը, արժեքը և գործարքի պայմանները։

•    Մաքսային վճարների նախնական հաշվարկ։ Նախապես որոշում ենք ապրանքի ԱՏԳ ԱԱ ծածկագիրը և հաշվարկում նախատեսվող մաքսատուրքը, ավելացված արժեքի հարկը, ակցիզային հարկը, հակագնագցման ու կիրառելի այլ վճարները և պետական տուրքերը։ Հակագնագցման տուրքի կիրառելիությունը ստուգում ենք՝ հաշվի առնելով ապրանքի ծագման երկիրը և, որտեղ կիրառելի է, արտադրողի կամ արտահանողի տվյալները։

•    Պահանջվող փաստաթղթերի պարզում։ Ներկայացնում ենք, թե ինչ փաստաթղթեր և տվյալներ է անհրաժեշտ ստանալ մատակարարից մինչև բեռի առաքումը։

•    Թույլտվությունների և հատուկ պահանջների ստուգում։ Պարզում ենք՝ արդյոք ապրանքի ներմուծման համար պահանջվում են լիցենզիա, թույլտվություն, համապատասխանության փաստաթուղթ, պետական գրանցում, պարտադիր մակնշում կամ այլ պայմաններ։

•    Հնարավոր ռիսկերի բացահայտում։ Նախապես հայտնաբերում ենք փաստաթղթերի անճշտությունները, ապրանքի ոչ հստակ նկարագրությունը և այն բացթողումները, որոնք կարող են ազդել մաքսային վճարների կամ ձևակերպման ժամկետների վրա։

•    Գործողությունների հստակ ծրագրի կազմում։ Ներկայացնում ենք, թե ինչ քայլեր պետք է կատարել ապրանքը պատվիրելուց և բեռը ճանապարհելուց առաջ, ինչպես նաև մաքսային ձևակերպման ընթացքում։

Փաթեթի արդյունքում նոր բիզնեսը նախապես պատկերացնում է ներմուծման մաքսային ծախսերը, անհրաժեշտ փաստաթղթերը, պարտադիր պահանջները և գործողությունների հերթականությունը։ Սա հնարավորություն է տալիս ավելի հիմնավորված որոշում ընդունել և նվազեցնել առաջին ներմուծման ժամանակ կանխատեսելի սխալների հավանականությունը։